Kalurahan Petir

Wayah sore pak kardi karo bojone bu inem ngobrol neng ngemperan karo ngombe wedang teh pait gula jawa pacitane telo goreng. Wayah iku udan gerimis lan hawane adem,Bu inem langsung ngomong karo pak kardi “ Pak aku sesok arak tuku SATELIT.” Pak Kardi kaget langsung jawab, “ opo mbok kowe ke arak tuku SATELIT ?, duitmu ki piro mbok?.”

“ iyo pak lak aku ra iso gawe dewe to? “ bu inem langsung jawab

“ alah – alah mbok…. Mbok…  gaplek gareng jekingking we gor payu sewu , kowe ke arak tuku SATELIT, arak adol banjar pekarangan opo piye mbok ?”, Pak kardi iseh rumongso gumun karo karepe bu inem

“ gusti alah pak, duit limang ewu wae entok kok nganti adol banjar pekarangan to pak.” Sambungane bu inem karo mesem

“ mbok… mbok… mbok… tangi mbok ojo ngimpi duwur-duwur mengko malah loro nek tibo mbok.” Pak kardi langsung ngelek’ke bu inem

“ Pak tak kandani yo gone yu paijem ke saiki adol SATELIT seng bahane seko telo diparut kae yo pak, sesok tak jak rono ben ngerti carane gawe.” Sambunge bu inem karo mesem-mesem

“ walah mbok tak kiro SATELIT seng ono duwur langit kae, jebul SATELIT pacitan ngombe wedang kae to.” Sambunge pak kardi karo gedheg-gedheg

“ molakno to pak pikirane ke ojo duwur-duwur, ojo kakean nonton pilem enggres to, uwes geg ayo mlebu ngomah uwes wayahe magrib kie pak.” Sambungane bu inem karo ngguyu.

Pak kardi mlebu ngomah karo ngomong dewe “ kok aku malah ketok bodho yo goro-goro SATELIT ”…